Hálfvitarnir eru til í allskyns tækifærisspilamennsku auk almenns tónleikahalds.

Við höfum skemmt í brúðkaupum og stórafmælum, á þorrablótum og árshátíðum og skemmtunum af öllu tagi. Í hljómsveitinni eru þaulvanir veislustjórar þannig að hvort sem þig vantar heila tónleika, stutt skemmtiatriði, eða veislustjórn með fjöldasöng, skemmtiatriðum og tilheyrandi þá erum við í gallanum. Um að gera að hafa samband.

Tvennt er ágætt að hafa í huga:

• Ljótu hálfvitarnir eru ekki ballhljómsveit. Við spilum frumsamið efni og ekki nema hluti af því hentar til dans.
• Þó svo að hljómsveitin kenni sig við Húsavík og nærsveitir þá eru meðlimir alla jafnan búsettir í Reykjavík.